ആഫ്രിക്കയിലെ ഏറ്റവും ജനസാന്ദ്രതയുള്ള രാജ്യമായ നൈജീരിയയിൽ  ചരിത്രപരമായ ഒരു പ്രസിഡന്റ് തെരഞ്ഞെടുപ്പാണ് ഇന്ന് നടന്നത്. 1999-ൽ നൈജീരിയയിലേക്ക് ജനാധിപത്യം തിരിച്ചെത്തിയതിന് ശേഷം, നൈജീരിയയിലെ രണ്ട് പ്രധാന രാഷ്ട്രീയ പാർട്ടികളിലെ സ്ഥാനാർത്ഥികളുമായി ഒരു മൂന്നാം കക്ഷി സ്ഥാനാർത്ഥി വോട്ടെടുപ്പിൽ മത്സരിക്കുന്നതോടെ മികച്ച ഒരു മത്സരമാണ് ഇക്കുറി നടന്നത്. രാജ്യത്തുടനീളം ദാരിദ്ര്യവും തൊഴിലില്ലായ്മയും വർദ്ധിക്കുകയും സുരക്ഷാ പ്രതിസന്ധികൾ വർദ്ധിക്കുകയും ചെയ്തതോടെ രണ്ട് ടേമുകൾക്ക് ശേഷം പ്രസിഡന്റ് മുഹമ്മദു ബുഹാരി ജനപ്രീതിയില്ലാതെയാണ് സ്ഥാനമൊഴിയുന്നത്. പ്രത്യേകിച്ച് യുവാക്കൾ ബുഹാരിക്കെതിരെയാണ്.  40 ശതമാനത്തിലധികം യുവാക്കൾ  തൊഴിൽ രഹിതരാണ്. ഇതോടെ  തങ്ങൾക്ക് ഇതിനൊക്കെ ഒരു പരിഹാരം കണ്ടെത്താനുമെന്ന്  വാഗ്ദാനം ചെയ്യുന്ന ഒരു  മൂന്നാം കക്ഷി മുന്നോട്ട് വിരികയും അവരുടെ സ്ഥാനാർത്ഥിയായ പീറ്റർ ഒബിക്ക് മികച്ച പിന്തുണയാണ് ലഭിച്ചത്. രാജ്യത്ത് വലിയതോതിൽ എണ്ണ സമ്പത്ത് ഉണ്ടായിരുന്നിട്ടും, 60 ശതമാനത്തിലധികം ജനങ്ങൾ ദാരിദ്ര്യത്തിലാണ് ജീവിക്കുന്നത്.

ബുഹാരിയെ പിന്തുണയ്ക്കുന്നവർ പറയുന്നത്, അദ്ദേഹം തന്റെ ഏറ്റവും മികച്ച പ്രകടനം കാഴ്ചവെക്കുകയും അടിസ്ഥാന സൗകര്യ വികസന പദ്ധതികളിലെ പ്രവർത്തനങ്ങൾ, അക്രമാസക്തമായ തീവ്രവാദത്തെ ചെറുക്കാനുള്ള ശ്രമങ്ങൾ തുടങ്ങിയ നേട്ടങ്ങൾ ഉയർത്തിക്കാട്ടുകയും ചെയ്തു. എന്നാൽ സ്വന്തം ഭാര്യ ഐഷ ബുഹാരി പോലും നൈജീരിയൻ ജനതയുടെ പ്രതീക്ഷകൾക്ക് അനുസരിച്ച് പ്രവർത്തിക്കാൻ കാഴിയാത്തതിനാൽ ജനങ്ങളോട്  മാപ്പ് പറഞ്ഞിരുന്നു.