വെസ്റ്റ് ഇന്ഡീസിനെതിരായ ടി20 പരമ്പരക്കുള്ള ഇന്ത്യന് ടീമിനെ പ്രഖ്യാപിച്ചു. ഹാര്ദിക്ക് പാണ്ഡ്യ നയിക്കുന്ന ടീമില് സഞ്ജു സാംസണും ഇടം നേടി. വിക്കറ്റ് കീപ്പറായ ഇഷാന് കിഷനൊപ്പം ജിതേഷ് ശര്മ ടി20 ടീമിലെത്തുമെന്ന് പ്രതീക്ഷിച്ചെങ്കിലും ഒരിക്കല് കൂടി സഞ്ജു സാംസണ് അവസരം നല്കുകയായിരുന്നു. അജിത് അഗാര്ക്കറുടെ നേതൃത്വത്തിലുള്ള സെലക്ഷന് കമ്മിറ്റിയുടേതാണ് തീരുമാനം.സൂര്യകുമാര് യാദവാണ് ടീമിന്റെ വൈസ് ക്യാപ്റ്റന്. തിലക് വർമ്മയും യശ്വസി ജയ്സ്വാളും ആദ്യമായി ഇന്ത്യൻ ട്വന്റി 20 ടീമിൽ ഇടം പിടിച്ചു. ഇഷാൻ കിഷൻ, ശുഭ്മാൻ ഗിൽ, യശസ്വി ജയ്സ്വാൾ, തിലക് വർമ്മ, സൂര്യ കുമാർ യാദവ് , സഞ്ജു സാംസൺ, ഹാർദിക് പാണ്ഡ്യ, അക്സർ പട്ടേൽ, യുസ്വേന്ദ്ര ചാഹൽ, കുൽദീപ് യാദവ്, രവി ബിഷ്ണോയ്, അർഷ്ദീപ് സിംഗ്, ഉമ്രാൻ മാലിക്, അവേഷ് ഖാൻ, മുകേഷ് കുമാർ എന്നിവരാണ് നിലവിലെ ടീം അംഗങ്ങള്.പേസര്മാരായ അര്ഷ്ദീപ് സിങ് ആവേശ് ഖാന്, ഉമ്രാന് മാലിക്,സ്പിന്നറായ രവി ബിഷ്ണോയി എന്നിവരും ടീമില് തിരിച്ചെത്തി. അക്സര് പട്ടേല്, കുല്ദീപ് യാദവ്, യുസ്വേന്ദ്ര ചാഹല് എന്നിവരും സ്പിന്നര്മാരായി ടീമിലുണ്ട്.